Isra’ila: Tsohon ministanta Gonen Segev dan leken asiri ne

By | June 19, 2018

83 total views, 3 views today

File photo of Gonen Segev (18 June 2018)Hakkin mallakar hoto Reuters
Image caption Ana tuhumar Gonen Segev da alifukan “taimakawa abokan gaba a lokacin yaki”

Isra’ila na tuhumar wani tsohon ministan kasar da laifin yi ma kasar Iran leken asiri, inji ma’aikatar tsaro ta cikin gida, Shin Bet.

Isra’ila ta ce jami’an leken asiri na Iran sun dauke shi aiki a yayin da yake zaune a Najeriya.

Mutumin mai shekara 62, wanda kuma likita ne, ya taba rike mukamin ministan makamashi a shekarun 1990.

An kama shi ne a kasar Equatorial Guinea lokacin da ya kai wata ziyara a watan Mayu, kuma daga bisani aka maida shi gida Isra’ila.

Loading...

An taba daure mutumin na tsawon shekara biyar a shekara ta 2005 saboda laifukan fasa-kwaurin magunguna da kuma amfani da fason diflomasiyya na jabu.

An kuma soke lasisinsa na aikin likita, amma bayan da aka sake shi daga kurkuku sai ya koma Najeriya da zama, inda aka kyale shi ya cigaba da aikin likita a shekarar 2007.

Leave a Reply

Your email address will not be published.

Loading...