Majalisar Canada ta amince da amfani da tabar wiwi

By | June 19, 2018

56 total views, 3 views today

Shan tabar wiwiHakkin mallakar hoto Getty Images

Majalisar wakilai a Canada ta jefa kuri’ar amincewa da dokar bai wa mutane daman amfani da tabar wiwi don nishadi.

Daftarin dokar da gwamnatin kasar mai sassauci ra’ayi ta gabatar ya samu kuri’u 205 sama da 82 da suka nuna adawa.

Kudirin dokar amincewa da amfani da tabbar wiwi na cikin alkawarukan gangamin yakin neman zaben Firai minista Justin Trudeau, wanda ya kunshi sarrafawa, sayarwa da shan tabar hankali kwance.

Hakkin mallakar hoto Getty Images
Image caption Ana sayar da tabar wiwi a wadansu kasashe ‘domin magani’

Amincewar majalisar wakilai na kuma nuna cewa daftarin zai tsallake karatun majalisar dattawa, kafin sa hannu shugabar kasa a madadin fada.

Loading...

A watan Satumba ake sa ran tabbatuwar haka a kasar, da zata kasance ta farko a cikin kungiyar kasashen masu karfin tattalin arziki ta G7 da zata bai wa balagaggu daman shan wiwi cikin nishadi.

A baya dai Mista Trudeau ya fito fili yana cewa ya taba shan tabar wiwi tare da abokansa sau ‘biyar ko sau shida’.

Leave a Reply

Your email address will not be published.

Loading...