Silicon Valley dey host Nigeria VP Osinbajo and oda young Nigerians

By | July 11, 2018

28 total views, 3 views today

Osinbajo and TufaceImage copyright @ProfOsinbajo
Image example Osinbajo believe say technology dey create jobs for Nigeria

Nigeria Vice President Professor Yemi Osinbajo don show for di popular Silicon Valley for California, US to do three days wakabout. Osinbajo wan use di visit bring beta come Nigeria.

Di Vice President travel go di technology headquarters wit some young Nigerians wey be tech entrepreneurs and oga dem for di creative industry. Na just last month Osinbajo launch 50-man Advisory Group on top Technology and Creativity matta for Nigeria and na some of di pipo wey dey di group follow am go Silicon Valley.

Dem no support media player for your device

My app go compete with Instagram – 17 years old

Dis visit no be just to go do wakabout, Osinbajo say im go yan wit di tech ogas for Silicon Valley to come invest for Nigeria technology industry. Di Vice President don already meet with some tech ogas for Google and LinkedIn come still yan wit some creative ogas for Warner Bros, Disney, IMAX and 20th Century Fox.

Osinbajo also meet wit singer Tuface, owner of Ebony Life TV Mo Abudu and visual artist Laolu Senbanjo.

Dis na small informate about 10 of di young Nigerians wey dey di advisory group.

1. Shola Akinlade

Image copyright Shola Akinlade/twitter
Image example Shola na di oga and founder of Paystack wey be online platform to pay and collect money from anybody, anywhere for world. Im read Computer Science for Babcock University, Nigeria.

2. Mark Essien

Image copyright Mark essien/facebook
Image example Mark Essien na software developer from Akwa-Ibom State, Nigeria. Im be di founder of hotels.ng, one of di biggest website wey pipo dey use book hotels for Nigeria.

3. Anna Ekeledo

Image copyright Anna Ekeledo/twitter
Image example Anna Ekeledo na di Executive Director for Afrilabs wey get technology innovation hubs for different African kontries. She go school for Covenant University, Nigeria and Leeds University Business School, UK.

4. Eloho Omame

Image copyright Eloho Omame/facebook
Image example Na she be di Managing Director of Endeavor, one multinational company wey dey ginger entrepreneurship for world. Eloho get degree from London Business School. She don work wit First Bank of Nigeria and BudgIT.

5. Bosun Tijani

Image copyright Bosun tijani/facebook
Image example Bosun na di oga of Co-Creation Hub (CcHub), one of di tech centres wey popular pass for Nigeria sotay Facebook oga Mark Zuckerbeg visit di centre for 2016. Bosun go school for University of Jos, Nigeria and Warwick Business School.

Leave a Reply

Your email address will not be published.

Loading...